23000 persone anche cinque anni fa per lultima di campionato e non so quante persone erano rimaste fuori dallo stadio.
Ecco un po di storia per chi gli interssi di questo gruppo.
LA NASCITA DEL'ARMADA ? STAGION 1986/1987
Tuto questo xe un'introduzion ala nascita del' Armada. Una trentina de giovani ogni giorno i se trova sula terrazza della Centro comercial Ri ed uno de loro (Edi Rauhar) da el nome che diventera' sinonimo de successo ? "Armada". El 9 maggio 1987 se parte per la prima trasferta con el Club. Ala semifinale dela Coppa a Titograd partte un centinaio de tifosi, e per la prima volta ala partida vien presentado el striscion con su scritto "Armada". Quela trasferta del Rijeka e la sua conseguente vittoria ga portado anche ai primi incidenti tra l'Armada e i tifosi locali. Sta data vien ricordada ancor ogi come el compleanno del' "Armada". Ala finale dela Coppa a Beograd contro l'Hajduk da Fiume parte un treno bianco con 4000 tifosi scatenadi. Guidadi dal' "Armada" i tifa per tutti i 90 minuti e per la prima volta sul teritorio del'ex Jugoslavia se manda un razo verso i aversari. L'ogi legendario "furto" del giudice de gara Petrovi? non ga impedido a venti mila persone de attender el rientro dei calciadori a Fiume. Se cantava e se festegiava come se el Rijeka gavesse vinto la Coppa, e da alora se ricorda l'espression legendaria: "A Kantrida qualcheduno finira' mal, Petrovi? te attende l' "Armada" ".La tradizional rivalita' tra i tifosi del Rijeka e dell'Hajduk con el tempo se ga trasforma' in vero e proprio odio dei tifosi fiumani verso quei di Spalato. Sto fato non pol meravigliar dal momento che el Rijeka xe stado derubado dela Coppa del'ex Jugoslavi
LA STAGION 1987 / 1988
In questo periodo xe importante rilevar el passagio del'idolo dei tifosi, Nenad Gra?an, al Hajduk. A Cantrida i lo ga accolto con el striscion: "Neno ?a te ni sram" ? "Neno, ma non ti ga vergogna", e piu' tardi xe stada presa a sassate l'ambulanza che portava Gra?an al'ospedal con un piede fratturado. Nel frattempo, l' "Armada" diventa uno dei simboli della zita' sula Fiumara e accoglie tra le sue file un numero sempre piu' grande de membri.Vien inventado el termine "Sami protiv svih" ? "Soli contro tutti". Le torce le vien accese durante tute le partide, e soprattuto da rilevar quele contro el Rad e la Pri?tina, quando ge ne vien accese una quindicina. Nomineremo ancora la scontradura con i tifosi dela Dinamo, finido con alcuni tifosi zagabresi che i ga fato un bagno in mare asieme a un'auto, mentre xe sta dannegiata anche parte del'attrezzatura del'allora Tv de Zagabria. La partida se teneva la giornata de Ognissanti, e quindi nel rion fiumano de ?kurinje xe "nato" el striscion: "Dan mrtvih purgera" ? "La giornata dei zagabresi morti". Per la prima volta nel'ex Jugoslavia durante tutti i novanta minuti iera accesa almeno una torcia; un avvenimento unico e che fino a ogi non se ga ripetu' nela storia del' "Armada". Da ricordar la trasferta a Zagabria. Verso la capitale da Fiume parti' cinque pulman pieni de tifosi, circa duecento tifosi i gaveva preso el treno, mentre un pulman arrivo' fin da Ka?a. Uno dei pulman fiumani se gaveva fermado a un ristorante a Vukova Gorica, dove sul Jukebox el proprietario gaveva fato el sbaglio de meter l'ino dela Dinamo. La reazion xe stada violenta: el jukebox xe volado fori dal ristorante e el local steso xe stado completamente demolido. Naturalmente, el pulman con i tifosi in question nol xe arivado mai a Zagabria ma el xe stado fato tornar a Fiume. Per renderve l'idea de quel che i ga fato quei che xe arivadi a Zagabria quel giorno, ve ofrimo le parole de uno dei partecipanti al'incidente: «Semo arrivadi e un gruppo de noi xe riuscido a scampar ala polizia. Gavemo usado i spray per colorar un poco de facciate e nostra vittima xe stado anche un elefante del ZOO. Ricordo che sonavimo ale porte dela gente e cercavimo i loro fioi chiedendoghe poi se i xe tifosi dela Dinamo. I meno pronti ala risposta poi i se da penti' de gaver risposto de si. Probabilmente non xe stado un bel comportamento, ma cosa se pol far. Al Maksimir quel giorno xe arivadi 600 fiumani.
LA STAGION 1988 / 1989
Questa stagion la ga segnado el inizio de un periodo de grandi disordini. L' "Armada" seguiva el Rijeka praticamente dapertutto, a Zagreb, Tuzla, Sarajevo, Mostar, Novi Sad, Banja Luka, Beograd, Skopje, Ni?, Osijek... A Cantrida se ricorda i derbi contro la Dinamo e l'Hajduk. Ala prima de queste due partide l'acqua se gaveva portado via 80 torce che le iera stade nascoste in un tombin el giorno prima del'incontro. Dela partida contro l'Hajduk i giornali i ga scrito molto, chiamandola YU Heysel. L' "Armada" e la "Torcida" le se ga scontra' sule tribune nord ? occidentali, dopo che i membri della "Torcida", provocadi dal' "Armada", i se ga aventa' sui tifosi fiumani. Xe dificile dir chi xe usci' vittorioso da quela lotta sanguinaria. Quella partida la ga segnado el inizio de un periodo dificile per l' "Armada", che da allora la ga sentido sula propria pelle la forza dela repression dela polizia.
LA STAGION 1989 / 1990
Questa xe stada una dele stagioni de piu' grande successo nela storia del' "Armada". Un periodo in cui se sveia el spirito del'identita' nazional, le bandiere non le ga piu' la stella e sule sciarpe scrive: Armada HDZ. Xe de moda le barete de lana rosso ? bianco ? blu, le giacche spit fire le diventa uno dei simboli del club, nasce le sezioni de Sisak, Split, Zagreb, Pula e Banja Luka. L' "Armada" la diventa riconoscibile in tuto el territorio della ex Jugoslavia a causa dei disordini e dele coreografie con le torce. Nele varie zita' la polizia incontra piu' grandi difficolta' con una decina de tifosi del club fiuman che con diverse decine de altri club. Tra le partide a livello nazional, da ricordar quele contro la Crvena Zvezda e el Partizan, quando, prima e dopo la partida xe scontri diversi sanguinosi. Come esempio eco la oramai leggendaria testimonianza de uno dei leader dei Grobari: "Credime, xe stada una battaglia tra la vita e la morte, come dei guerieri urbani, se alora semo rimasti vivi, viveremo avanti..." Durante le partide contro la Dinamo, l'Hajduk e l'Osijek de solito veniva accese una ventina de torce. Tra le trasferte, ricordemo l'arrivo de 600 tifosi a Ljubljana. Dale prime ore della matina per tutta la zita' se ga verifica' numerosi scontri con la polizia. La maggiorparte dei tifosi partidi per Ljubljana, gia' a Fiume i iera abastanza "allegri", e quindi nela capitale slovena i ga demolido alcuni bar. La partida xe stada interrotta un paio de volte, e la "Armada" xe ancora oggi rimasta un esempio per i tifosi del'Olimpija. 32 tifosi i iera partidi per Banjica a Beograd, ma non i xe arivadi mai ala partida, a causa dei disordini che i xe duradi per tuto el giorno. Con l'entrada nel'autobus zitadino i tifosi fiumani i ga comincia' a maltratar el capo dela sicurezza, e anca i passeggeri del'autobus, indipendentemente dal sesso e dala eta'. Dopo la partida i giornali i li ga criticadi a causa dei eccessi nazionalistici e dele scritte "Croatia Armada". Ala partida contro la Crvena Zvezda a Beograd i se ga reca' 150 tifosi, avvolti nei sciali Armada HDZ, decorazioni che ge vegnera' portade via a forza gia' al'arrivo a Beograd. Prima dela partida l' "Armada" la va anche al'incontro de box Radni?ki ? Rijeka. I disordini piu' frequenti xe quei ale partite a Mostar e Banja Luka, nonche' a quele de Sarajevo, dove sui tifosi fiumani se avventava anche cinquecento persone. A Osijek l' "Armada" vien accolta come un'amica, anche se un anno prima i fiumani i gaveva dimostrado per la centesima volta de essere i piu' matti. L' "Armada" arriva a Zagreb, Osijek e Ljubljana, mentre queste zita' le ospita i club serbi e con i gruppi locali la attaca i zingari e i grobari (tifosi del Partizan).
LA STAGION 1990 / 1991
Xe la ultima stagion del campionato Jugoslavo. Al primo giron a Cantrida ariva la Dinamo. Niente de special, qualche pestagio isolado, una quindicina de torce e qualche novo striscion. El 29 settembre del 1990 la Crvena Zvezda gioga per la ultima volta al stadio de Cantrida. Mai fino ad alora era stade viste tante bandiere croate o xe stada una tale concentrazion de nazionalismo e livello de sicurezza sul stadio. Dopo quel che iera succeso ala partida tra l'Hajduk e el Partizan, l'entrada sul campo e la mesa a fogo dela bandiera jugoslava sul Poljud, la polizia probabilmente si aspettava un scenario simile anche a Cantrida. Dopo la fine dela partida i xe stadi lapidadi i zingari e la polizia, e se ga fato irruzion nela tribuna orientale. Una massa de circa cinquecento Serbi e una cinquantina de Delije i ga trovado scampo sul campo da giogo. Davanti ai spazi del club, l' «Armada» la continua a pestarse con la polizia; le paga alcune automobili, l'autobus e parte dei spazi del club. I preparativi per la partida con l'Hajduk i ierai iniziadi alcune settimane prima. Torce e fumogeni i vien raccolti in tute le parti della zita'. El risultato: una sesantina de torce, nonche' quindici torce dela durata de tre minuti e quattro della durata de quindici minuti. El spettacolo con le torce xe magnifico. Per la prima volta neanche una torcia la finise sul campo. Durante el secondo tempo l' "Armada", provocada da alcune torce butade sul campo da parte dela Torcida, la parte al'attacco. La doppia staccionada e la polizia le impedisce el contatto diretto, e quindi tuto se consuma in un buttar de sassi e torce. La Partida contro la Olimpija a Cantrida, in periodo elettorale, la vegnera' ricordada per la coreografia delo stemma storico croato formado da 25 cartoni de un metro per un metro. Vien accese alcune torce e questo xe tuto. Nel frattempo el Rijeka gioga sempre peggio. Tanto che el ultimo giron e la partida con el Partizan i xe decisivi perche' la rimani nela prima lega. Anche se se sapeva che sta lega non la saria piu' esistida, bisognava lo steso difender l'onor croato. La "Armada", tramite i media, la dize che se el Rijeka dovesse perder lori i interrompera' la partida. Tre ore prima del'inizio del'incontro, el picolo porto de Cantrida el xe pieno de maiette bianche e alla marinara. Dopo el 1987 tutte le generazioni dei tifosi fiumani le se unise in un grande cuor, un cuor che batte solo per el Rijeka e la Croazia. Con el vantaggio del Rijeka, 3 ? 0, gia' durante el primo tempo sul stadio xe un stato de euforia. L' "Armada", preceduda dala banda de ottoni de Lovran, la saluta i calciadori del Partizan con la canzon «A sad, adio». Ala fine dela partida tutti i tifosi i se ritrova sul campo. Tra le trasferte dela stagion ricordemo quela a Zagreb con 150 tifosi che fin dale prime ore della mattina i cantava in piazza Ban Jela?i?, mentre a Ljubljana 500 tifosi i se scontra con la polizia, e la presenza dai 10 ai 50 tifosi a ogni partida fori de casa.
LA STAGION 1992
Per via del scoppio dela guerra in Croazia, per un anno i campi de calcio i rimane zvodi. Quasi tuti i membri piu' anziani del club, e qualche giovane i parte per el fronte. I ge da el cambio membri novi. Nela primavera del 1992 ga inizio el primo Campionato calcistico croato e el primo giron a Cantrida xe ospite el ?ibenik. Con l'arrivo del'Hajduk al stadio dei fiumani, dopo tanto tempo, sule tribune occidentali se rivede tante facce note dela tifoseria del' "Armada". Durante la partida se festeggia i cinque anni del club fiumano, la coreografia la xe fatta de carelloni bianco ? blu, vien acese una quindicina de torce, e dopo el secondo gol del'Hajduk un gruppo de tifosi i se butta sul campo e i se scontra con la sicurezza. La partida vien brevemente fermada. Dopo el incontro se verifica alcuni incidenti vicin el stadio. Tra le trasferte nomineremo quela a Pula e Zapre?i?, dove una trentina de tifosi vien butada fora dal stadio a causa del striscion: "Rijeka ? dr?ava" ? "Fiume ? stato.
LA STAGION 1993 / 1994
Ale partite del Campionato che le se svolge a Fiume non succede niente de novo. Neanca ai incontri con la Dinamo e l'Hajduk non xe eventi da ricordar, mentre tuta la organizzazion la se concentra sui preparativi per la semifinale e la finale dela Coppa. Dopo un periodo abastanza lungo, se se organizza e se parte per qualche trasferta (Pula, Kranj?evi?eva). La semifinale della Coppa, che la se gioga tra l'Hajduk e el Rijeka la xe segnada da un tifo fantastico che el dura per tuta la partida. Dale tribune vola foglietti de carta, se mostrano i striscioni che xe stadi prima presi ai avversari: "Torcida Rab" e "Torcida Ve?ica". Con alcune torce accese se aspetta la partida de ritorno a Split. Due autobus strapieni de tifosi che non i se era riunidi dal 1991 i parte per l'incontro de Split. Gia' al'arrivo nela zita' dalmata, alcuni tifosi fiumani i scende dai autobus e i attacca i passanti occasionali. Al stadio de Poljud vien demolito un fast food. A un certo punto se presenta i membri dela Torcida. Circa 200 tifosi spalatini i attacca con i sassi quei fiumani. La guerra a sassate la dura per circa quindici minuti, e una ventina de tifosi del' "Armada" i riesce a uscir dala tribuna a sud e i va verso la Torcida. Al primo minuto dela partida el Rijeka el segna el primo gol, roba che provoca subito la reazion dei fiumani: una quindicina de torce le vola verso el campo. Ala fine del'incontro i calciadori e i loro tifosi i festeggia l'entrada del Rijeka nela finale dela Coppa, mentre circa mile tifosi del'Hjaduk i reagisce buttando sassi sula tribuna dei avversari. La prima partita dela finale dela Coppa la vien giogada a Zagabria. Diciotto autobus, molte automobili e altri mezzi de trasporto, circa 1200 tifosi, i parte per la metropoli croata. Per tuta la mattina la polizia la raccoglie i autobus per el Gorski Kotar. I scontri con la polizia i se verifica in diversi posti; a Delnice un centinaio de tifosi i attacca la polizia, a Severin na Kupi duecento tifosi i ruba tutto quell chei pol dai caffe' e dai negozi del posto. El tutto culmina con un scontro fisico de fronte ala tribuna settentrionale del Maksimir. Vien arestadi una ventina de membri del' "Armada". La partita de ritorno la vien giocada el giorno de San Vito, el santo protettor de Fiume. Per dieci giorni la zita' vive per la partita. Viene anche pubblicado un giornal special, dedicato al'evento. Vien raccolte circa 200 torce. El stadio xe strapien, l'atmosfera la xe fantastica, la zita' la xe in delirio. Mai tanta polizia la se era vista per le strade dela zita' e a Cantrida, fatta venir da tute le parti dela Croazia. Basti rilevar che iera ben tre cordoni de poliziotti de fronte ala staccionata accanto el campo, piu' ancora uno de fronte ai tifosi. Nel corso de tuta la partida i tifosi i cerca de scender in campo, ma anche ala fine del'incontro la polizia non ge lascia de festeggiar con i calciadori la vittoria del Rijeka. De rimando, i calciadori del Rijeka, con le torce accese, i parte verso i tifosi del' Armada cantando Najdra?a Rijeko. Al'entrada occidental per la prima volta se verifica un scontro de massa con la polizia, scontro che el continuera' anche per le strade della zita'. Dopo i giornali i scriveva: "I tifosi del Rijeka i ritien responsabile la polizia per el scontro dietro le tribune...". In quel'occasion fxe stade feride una cinquantina de persone e daneggiate venti automobili.
LA STAGION 1995 / 1996
El periodo xe segnado dal'inizio dela legittimazion del club dei tifosi Armada e da una dele peggiori stagioni de calcio nela storia del Rijeka. Dela prima parte dela stagion ricorderemo i incontri con la Dinamo, con l'Hajduk e con l'Inker. Durante questa ultima partida se fa festa con le torce anche uficialmente la legittimazion dela Armada. Come introduzion ala partida contro la Dinamo, i tifosi del Rijeka i ofriva sardele e vino gratis. Un'atmosfera decisamente europea la iera dada dai tanti striscioni, dale bombe fumogene e da una sesantina de torce acese durante la partida. El trofeo (dei BBB Rijeka) strapado ai aversari gia' ala stazion del treno durante la partida el vien dado al fogo. El altro grande rival, l'Hajduk, vien acolto in un'atmosfera carnevalesca (el giorno dopo la partida a Fiume iera la tradizional sfilada del Carneval in Corso). Un paio de giorni prima del derbi, alcuni dei sui membri i ga fato in modo de dimostrar ancora una volta che la Armada la ocupa la zima dela tifoseria nazional. El striscion Rijeko pobijedi za nas ? Fiume vinci per noi vien ligado tra due pali dela luce e sotto ge xe 50 striscie bianche, dale dimensioni 10 per 0.5 m. L'atmosfera la culmina con l'accension organizada de 100 torce verdi. Tra le trasferte da ricordar quela a Vara?din (50 tifosi), Zagreb (50 tifosi), Sisak (40), Split e Osijek (8), Vinkovci (15), ?ibenik (50), Zapre?i? (30), e anche a Pula dove da Fiume ariva 300 tifosi e vien acese venti torce. La seconda parte dela stagion la xe segnada dal play out. Anche se le speranze le iera deboli e quasi tuti i altri i gaveva gira' le spale al Rijeka, la fedele Armada la continua a tener alto el slogan "I kad do?u nevolje i kad nema nade uvijek ?e vas voljeti ?lanovi Armade ? Nele dificolta' e anche quando non xe piu' speranza l'Armada la xe sempre con voi". I xe pasadi dale parole ai fatti tifando per el Rijeka a tute le partide in casa e in trasferta, tra le quali nominemo Pula e Suhopolje. A Pula iera presenti piu' de 1000 tifosi, che i iera partidi organizadi dal club dei tifosi fiumani. Per Suhopolje, posto dificile da trovar sula cartina dela Croazia, i parte 50 tifosi fiumani. In quela ocasion sucede scontri mai visti tra l' Armada e el resto del stadio. Vien tirade fora anche pistole, coltei, se usa tuto quel che capita soto man, in un scontro che durera' per diverso tempo soto i oci sciocadi dei membri piu' giovani dela Armada. Ale altre trasferte importanti del Rijeka la Armada la xe presente con dai 10 ai 50 membri a ogni partida. El nono aniversario dela fondazion dela Armada el vien festegiado al club fiumano Palach, e la domenica, soto una grande piova, vien acese bombe fumogene bianco ? blu e vien stesi due o tre striscioni realizadi per l'occasion. Durante la partida arde una ventina di torce. El ultimo giron decisivo contro l'Istria el riempie la tribuna ovest de Cantrida, fino al'ultimo posto. El Rijeka vince e la Armada, esultante, la entra in campo cinque minuti prima dela fine del incontro. Anche se el Rijeka con el suo giogo non proprio bel speso non la atirava i spettatori a Cantrida, la Armada ga dimostrado tuto el suo amor e el suo fanatismo. La prova ge xe che el club dei tifosi fiumani quel anno el xe stado scelto come el miglior in tuto el teritorio nazional.
http://www.armada-rijeka.hrEcco il sito ufficale della tifoseria
Attached Image: armada01.jpg
